ඊශ්‍රායලයේ පවතින යුදමය තත්ත්වය හේතුවෙන් විශේෂ අවශ්‍යතාවක් මතුවුවහොත් එරට සේවය කරන ශ්‍රී ලාංකික විදේශගත ශ්‍රමිකයන් නැවත මෙරටට ගෙන්වා ගැනීමට රජය සියලු කටයුතු සූදානම් කර ඇති බව විදේශ අමාත්‍ය විජිත් හේරත් මහතා අද (ජූනි 19) පාර්ලිමේන්තුවේදී ප්‍රකාශ කළේය.
ඔහු පාර්ලිමේන්තුවට පැවසුවේ ඊශ්‍රායලයේ සියලුම ගුවන් තොටුපළවල් වසා දමා ඇති බැවින්, දේශසීමා රටවල් හරහා ශ්‍රී ලාංකිකයන් මෙරටට ගෙන්වා ගැනීමට පියවර ගන්නා බවයි.
“අපි ඔවුන්ව ගොඩබිමෙන් දේශසීමා රටවලට ගෙනැවිත්, එතැන් සිට ඔවුන්ව නැවත ගෙන්වා ගැනීමට ගුවන් යානා යොදවනවා” යැයි අමාත්‍යවරයා වැඩිදුරටත් පැවසීය.
සමගි ජන බලවේගයේ පාර්ලිමේන්තු මන්ත්‍රී රෝහණ බණ්ඩාර මහතා නැගූ ප්‍රශ්නයකට පිළිතුරු දෙමින් අමාත්‍යවරයා මෙම ප්‍රකාශය කළේය.
0 Comments